First Step Cambodia

កុំនិយាយថា មានតែក្មេងស្រីទេដែលជាជនរងគ្រោះនោះ ក្មេងប្រុសក៏ជាជនរងគ្រោះដែរ ហេតុនេះ អ្នកត្រូវតែប្រុងប្រយ័ត្ន។ មិនត្រូវបណ្ដោយឱ្យពួកគេទៅក្រៅជាមួយអ្នកផ្សេងទៀតច្រើនពេកទេ ហើយមិនត្រូវគិត ថាគេ “ជាប្រុសត្រូវតែបែបនេះហើយ”!

មនុស្សមួយចំនួនគិតថាយើងជាមនុស្សខ្ទើយ ព្រោះយើងគេងជាមួយមនុស្សភេទដូចគ្នា ខ្ញុំឆ្ងល់ណាស់ ហេតុអ្វីបានជាគេគិតថា យើងជាខ្ទើយ។ យើងមិនហ៊ានរៀននៅសាលានោះទៀតទេ ហើយយើងបាន គេចទៅរៀននៅសាលា ផ្សេង ព្រោះតែយើងខ្មាស់គេ ពេលយើងនឹកឃើញរឿងនេះឡើង យើងពិបាក រៀន ណាស់។ នេះជាបញ្ហាមួយសម្រាប់សង្គម។ ការរំលោភបំពានភាគច្រើនកើតមានចំពោះក្មេងស្រី ប៉ុន្ដែក្មេងប្រុសក៏រងនូវការរំលោភ បំពានដែរ។

អ្នកខ្លះបន្ទោសខ្ញុំ ហើយនិយាយថា ខ្ញុំមិនយកចិត្ដទុកដាក់លើការរៀនសូត្រ ប៉ុន្ដែតាម ពិតខ្ញុំរៀនមិនចូលទេ ខ្ញុំពិបាកផ្ដោតអារម្មណ៍ណាស់។ ខ្ញុំមិនមែនខ្ជិលទេ ខ្ញុំមិនចង់ប្រាប់ បញ្ហារបស់ខ្ញុំដល់ពួកគេទេ ព្រោះខ្ញុំខ្លាចគេបន្ទោសខ្ញុំកាន់តែខ្លាំងថែមទៀត។

ពេលក្មេងប្រុសជួបបទពិសោធន៍ដ៏គួរឱ្យភ័យខ្លាច វាធ្វើឱ្យគេពិបាកក្នុងការរៀនសូត្រ។ កុមារដែលជួប បទពិសោធន៍ការរំលោភបំពានផ្លូវភេទ និងរំលោភសេពសន្ធវៈ សុទ្ធតែ មានអារម្មណ៍អស់សង្ឃឹម ហើយក្មេងខ្លះមិនអាចរៀនសូត្របានទាល់តែសោះតែម្ដង ព្រោះពួកគេនៅចាំរឿងទាំងនោះជាប់ជានិច្ច សូម្បីតែពេលដែលគេធំឡើង ក៏រឿងនោះ នៅតែដក់ក្នុងគំនិតរបស់ពួកគេដែរ។

យើងអាចនិយាយប្រាប់នរណាម្នាក់បាន ប្រសិនបើគេនោះមានចំណេះដឹង ហើយពួកគេ មិនយករឿង របស់យើងទៅនិយាយលេង ឬធ្វើជារឿងកំប្លែង ពួកគេត្រូវយល់ចិត្ដយើង ហើយប្រហែលជាអាច ផ្ដល់គំនិតនិងយោបល់ផ្សេងៗដើម្បីជួយដោះស្រាយបញ្ហាយើង។ ពួកគេត្រូវតែជាមនុស្សដែល អាចទុកចិត្ដបាន និងចេះរក្សាការសម្ងាត់

បុគ្គលិកត្រូវនិយាយដោយទន់ភ្លន់ទៅកាន់កុមារ នៅពេលគេធ្វើអ្វីម្យ៉ាងខុស មិនត្រូវប្រើ ហឹង្សាទេ។ ត្រូវស្ដាប់កុមារនិងពិចារណាគំនិតរបស់កុមារនៅក្នុងពេលធ្វើការសម្រេចចិត្ដ។

យើងត្រូវការការលើកទឹកចិត្ដពីគ្រួសារ (ឪពុកម្ដាយ) ហើយមិនត្រូវបន្ទោសកុមារ ចំពោះ   អ្វីដែលបានកើតឡើងរួចហើយនោះឡើយ។

យើងមិនដែលបានលឺអំពីការពិគ្រោះបញ្ហាទេ ប៉ុន្ដែប្រសិនបើមាននរណាម្នាក់អាចសួរអំពី អារម្មណ៍ របស់យើង នោះយើងនឹងបានប្រសើរឡើង។

ខ្ញុំត្រូវការអ្នកមកជួយខ្ញុំ ហើយខ្ញុំចង់បានកន្លែងមួយសម្រាប់ក្មេងប្រុស!

ចំណុចសំខាន់គឺថា អ្នកដែលយើងនិយាយប្រាប់នោះ មិនត្រូវទម្លាយការសម្ងាត់ទេ

មិនត្រូវរំលោភបំពានគ្នាទេ ហើយសូមមេត្ដាកុំឱ្យការរំលោភបំពាន កើតមានឡើងតទៅ     ទៀត។

បន្ទាប់ពីក្មេងប្រុសម្នាក់ត្រូវបានគេរំលោភបំពានសូមកុំផ្លាស់ប្ដូរអាកប្បកិរិយារបស់អ្នកសូម ប្រព្រឹត្ដិ ចំពោះគាត់ដូចធម្មតា!

សាធារណៈជន អង្គការក្រៅរដ្ឋាភិបាល ឪពុកម្ដាយ និងអ្នកមើលថែៈ មិនត្រូវខ្សឹបខ្សៀវគ្នាអំពីរឿង ក្មេងប្រុសឡើយ ប៉ុន្ដែត្រូវលួងលោម យកចិត្ដទុកដាក់ចំពោះ   ថែទាំ ពោលគឺមិនត្រូវរិះគន់ ហើយត្រូវ លើកទឹកចិត្ដពួកគេ!

បុគ្គលិកៈ សូមយកចិត្ដទុកដាក់ចំពោះពួកយើង សូមសួរយើងថា តើយើងសុខសប្បាយ      ឬទេ។

អ្នកម្ដាយ និងពូៈ សូមកុំធ្វេសប្រហែសជាមួយកូនប្រុសរបស់អ្នក មិនត្រូវអនុញ្ញាតិឱ្យ ពួក គេចេញទៅខាងក្រៅច្រើនពេកទេ ព្រោះក្មេងប្រុសក៏អាចរងនូវការរំលោភបំពានបាន ដែរ!